WELL BEDANKT !

En dan…dinsdagaovend. Mit enne lach en ’n traon is de joerts verbrãnd.
‘T klinkt cliché en we zegge ’t elk jaor, mar wat enne prachtige carnaval hebbe weej wer mugge belève!
N fieëst is moi, mar as dan al die joertse hun saamhorigheid d’r òvver uut strouwe, iederieën mekaar helpt, ànmoedigt, groeët en klèn jong en ald schik màkt mit mekaar.
Tja…dan hedde toch enne carnaval um nie te vergète!
En dan studde dus op dinsdagaovend mit ’n lach en ’n traon.

Dankewel allemaol vur dit schitterend 6×11 seizoen!
Fijn dat gillie beej alle activiteite ien groeëte getale ànwezig ware en dat weej dit vur ôllie mugge doen!
Een hieël groeët dankewel vur al die vrijwilligers, binne of buute de vereniging, die oons helpe!
Zonder ôllie wan we niks!

De joerts gut now efkes terug ziene nest ien, tot volgend seizoen!

Foto’s: Jeugd-Zitting 2025

 
We hebbe gegymd, “magische” trucs gezien, gezonge, gedanst, gelache.
We hebbe verwonderd en bewonderd!
Prachtig um oons Wellse jeugd ze enthousiast ôp de buun te zien staon!
Kei trots ôp die jeugdjoertse!
Weej danke oons artieste vur al dat werk dat zeej ien hun optreijes hebbe gestaoke!
Gillie ward echt super! ❤️

Dankewel òk àn alle vrijwilligers die oons geholpe hebbe, dankewel àn de jeugdzittingscommissie,
dankewel àn Ron en Daphne,
dankewel àn Ger Koch Soundsolutions en zien crew.
En dankewel àn oons 2 presentatore Jurre en Hugo…top gedaon!

Carnavalskrant 2025


Hedde ’t weekend al vrij gepland? Dat ge efkes heerlek ôp de bank of ien d’n luie stoel ’n paar uurkes de tied het um de carnavalskrãnt dur te bladere?

Zaoterdag komme oons leeje beej ow àn de duuër um de krãnt te verkoeëpe. Heej stöt wer vol mit schèle wazel 🤪,
ôpmerkelek capriole van mede joertse, alles wat ’t afgeloeëpe jaor belangriek is gewèst vur of beej de Maasjoerts en natuurlek mit hieël veul foto’s
Warde nie thuus? Dan is de krãnt vanaf maondag te koeëp beej Slagerij Ankersmit.
(7 euro contant of QR betaling; 7,25 euro)